LANDLADY, COUNT THE LAWIN.
LANDLADY, Count the lawin,
The day is near the dawin;
Ye're a' blind drunk, boys,
And I'm but jolly fou.
Hey tutti, taiti,
How tutti, taiti-
Wha's fou now?
Cog an' ye were aye fou,
Cog an' ye were aye fou,
I wad sit and sing to you,
If ye were aye fou.
Weel may ye a' be!
Ill may we never see!
God bless the king, boys,
And the companie!
COME, BOAT ME O'ER TO CHARLIE.
COME boat me o'er, come row me o'er,
Come boat me o'er to Charlie;
I'll gi'e John Ross another bawbee,
To boat me o'er to Charlie.
We'll o'er the water and o'er the sea,
We'll o'er the water to Charlie;
Come weal, come woe, we'll gather and go,
And live or die wi' Charlie.
I lo'e weel my Charlie's name,
Though some there be abhor him;
But O, to see auld Nick gaun hame,
And Charlie's faes before him!
I swear and vow by moon and stars,
And sun that shines so early,
If I had twenty thousand lives,
I'd die as aft for Charlie.
O, SAW ye bonnie Lesley
As she gaed o'er the border?
She's gane, like Alexander,
To spread her conquests farther.
To see her is to love her,
And love but her for ever;
For Nature made her what she is,
And never made anither!
Thou art a queen, fair Lesley,
Thy subjects we, before thee;
Thou art divine, fair Lesley,
The hearts o' men adore thee.
The Deil he could na scaith thee,
Or aught that wad belang thee;
He'd look into thy bonnie face,
And say, 'I canna wrang thee.'
The Powers aboon will tent thee;
Misfortune sha' na steer thee;
Thou 'rt, like themselves, sae lovely,
That ill they'll ne'er let near thee.
Return again, fair Lesley,
Return to Caledonie !
That we may brag we hae a lass
There's nane again sae bonnie.
A ROSEBUD BY MY EARLY WALK.
A ROSEBUD by my early walk,
Adown a corn-enclosèd bawk
Sae gently bent its thorny stalk,
All on a dewy morning.
Ere twice the shades o' dawn are fled,
In a' its crimson glory spread,
And drooping rich the dewy head,
It scents the early morning.
Within the bush, her covert nest,
A little linnet fondly prest;
The dew sat chilly on her breast
Sae early in the morning.
She soon shall see her tender brood,
The pride, the pleasure o' the wood,
Amang the fresh green leaves bedewed,
Awake the early morning.
So thou, dear bird, young Jeany fair!
On trembling string, or vocal air,
Shall sweetly pay the tender care
That tends thy early morning.
So thou, sweet rosebud, young and gay,
Shalt beauteous blaze upon the day,
And bless the parent's evening ray
That watched thy early morning.
MY WIFE'S A WINSOME WEE THING.
SHE is a winsome wee thing,
She is a handsome wee thing,
She is a bonnie wee thing,
This sweet wee wife o' mine.
I never saw a fairer,
I never lo'ed a dearer,
And niest my heart I'll wear her
For fear my jewel tine.
She is a winsome wee thing,
She is a handsome wee thing,
She is a bonnie wee thing,
This sweet wee wife o' mine.
The warl's wrack we share o't,
The warstle and the care o't;
Wi' her I'll blithely bear it,
And think my lot divine.
RATTLIN', ROARIN' WILLIE.
O RATTLIN', roarin' Willie,
Oh, he held to the fair,
An' for to sell his fiddle,
An' buy some other ware;
But parting wi' his fiddle,
The saut tear blin't his ee;
And rattlin', roarin' Willie,
Ye're welcome hame to me!
O Willie, come sell your fiddle,
O sell your fiddle sae fine;
O Willie, come sell your fiddle,
And buy a pint o' wine!
If I should sell my fiddle,
The warl' would think I was mad
BRAVING ANGRY WINTER'S STORMS.
WHERE, braving angry winter's storms,
The lofty Ochels rise,
Far in their shade my Peggy's charms
First blest my wondering eyes;
As one who by some savage stream
A lonely gem surveys,
Astonished, doubly marks its beam
With art's most polished blaze.
Blest be the wild sequestered shade,
And blest the day and hour,
Where Peggy's charms I first surveyed,
When first I felt their power!
The tyrant Death, with grim control,
May seize my fleeting breath;
But tearing Peggy from my soul
Must be a stronger death.
TIBBIE DUNBAR.
O, WILT thou go wi' me,
Sweet Tibbie Dunbar?
O, wilt thou go
wi' me,
Sweet Tibbie Dunbar?
|