lane?

Wha will crack to me my
Wha will mak me fidgin'-fain?
Wha will kiss me o'er again?—
The rantin' dog the daddie o't.

MY HEART WAS ANCE AS BLITHE · AND FREE.

My heart was ance as blithe and free
As simmer days were lang,
But a bonnie westlin weaver lad

Has gart me change my sang.

To the weavers gin ye go, fair maids,
To the weavers gin ye go;

I rede you right gang ne'er at night,
To the weavers gin ye go.

My mither sent me to the town,
To warp a plaiden wab;
But the weary, weary warpin' o't
Has gart me sigh and sab.

A bonnie westlin weaver lad
Sat working at his loom;
He took my heart as wi' a net,
In every knot and thrum.

I sat beside my warpin'-wheel,
And aye I ca'd it roun';
But every shot and every knock,
My heart it ga'e a stoun'.

The moon was sinking in the west
Wi' visage pale and wan,
As my bonnie westlin weaver lad
Convoyed me through the glen.

But what was said, or what was done,

Shame fa' me gin I tell;

But, oh! I fear the kintra soon

Will ken as weel's mysel'.

GUDE'EN TO YOU, KIMMER.

GUDE'EN to you, kimmer,

And how do ye do?

Hiccup, quo' kimmer,

The better that I'm fou.

We're a' noddin', nid, nid, noddin',
We're a' noddin' at our house at hame.

Kate sits i' the neuk,

Suppin' hen broo;

Deil tak Kate,

An' she be na noddin' too!

How's a' wi' you, kimmer,

And how do fare?
ye

A pint o' the best o't,
And twa pints mair.

How's a' wi' you, kimmer,
And how do ye thrive?
How mony bairns hae ye?
Quo' kimmer, I hae five.

Are they a' Johnny's?
Eh! atweel na:
Twa o' them were gotten
When Johnny was awa'.

Cats like milk,

And dogs like broo,
Lads like lasses weel,
And lasses lads too.

A FRAGMENT.

ONE night as I did wander,
When corn begins to shoot,
I sat me down to ponder,
Upon an auld tree root:
Auld Ayr ran by before me,
And bickered to the seas;
A cushat crooded o'er me,

That echoed through the braes.

O WHY THE DEUCE SHOULD I REPINE?
O WHY the deuce should I repine,
An' be an ill foreboder?

I'm twenty-three, and five feet nine

I'll go and be a sodger.

I gat some gear wi' meikle care,

I held it well thegither;

But now it's gane, and something mair-
I'll go and be a sodger.

ROBIN SHURE IN HAIRST.

Robin shure in hairst,

I shure wi' him;

Fient a heuk had I,

Yet I stack by him.

I gaed up to Dunse,

To warp a wab o' plaiden;

At his daddie's yett,

Wha met me but Robin?

Was na Robin bauld,

Though I was a cotter,

Played me sic a trick

And me the eller's dochter!

Robin promised me

A' my winter vittle!

Fient haet he had but three
Goose feathers and a whittle.

SWEETEST MAY.

SWEETEST May, let love inspire thee;
Take a heart which he desires thee;
As thy constant slave regard it;
For its faith and truth reward it.

Proof o' shot to birth or money,
Not the wealthy, but the bonnie;
Not high-born, but noble-minded,
In love's silken band can bind it!

WHEN I THINK ON THE HAPPY DAYS.

WHEN I think on the happy days

I

spent wi' you, my dearie;

And now what lands between us lie,

How can I be but eerie!

How slow ye move, ye heavy hours,

As ye were wae and weary!

It was na sae ye glinted by
When I was wi' my dearie.

MY NANNIE, O!

BEHIND yon hills, where Lugar flows,
'Mang moors an' mosses many, O,
The wintry sun the day has closed,
And I'll awa' to Nannie, O.

The westlin' wind blows loud an' shrill;
The night's baith mirk and rainy, O;
But I'll get my plaid, an' out I'll steal,
An' owre the hills to Nannie, O.

My Nannie's charming, sweet, an' young;
Nae artfu' wiles to win ye, O;
May ill befa' the flattering tongue
That wad beguile my Nannie, O!

Her face is fair, her heart is true,
As spotless as she's bonnie, O;
The opening gowan, wet wi' dew,
Nae purer is than Nannie, O.

A country lad is my degree,

An' few there be that ken me, O; But what care I how few they be? I'm welcome aye to Nannie, O.

My riches a 's my penny-fee,

An' I maun guide it cannie, O.
But warl's gear ne'er troubles me,
My thoughts are a' my Nannie, O.

Our auld guidman delights to view
His sheep an' kye thrive bonnie, O;
But I'm as blithe that hauds his pleugh,
An' has nae care but Nannie, O.

Come weel, come woe, I care na by,
I'll tak what Heaven will sen' me, O;

Nae ither care in life have I,

But live an' love my Nannie, O.