Const. v. sapphico minore et adonio. I, 2. 10. 12. 20. 22. 25. 30. 32. 38. II, 2. 4. 6. 8. 10. 16. II, 8. 11. 14. 18. 20. 22. 27. III, 2. 6. 11. carm. saec. VII. Syst. Sapph. alterum:

Const. v. aristophanio et sapph. maiore. 1, 8.

VIII. Systema Alcaicum:

Const. v. alcaicis hendecasyllabo et enneasyllabo et decasyllabo. Hoc frequentissime omnium usus est Hor. ut puta 1, 9. 16. 17. 26. 27. 29. 31. 34. 35. 37. II, 1. 3. 5. 7. 9. 11. 13. 14. 15. 17. 19. 20. ш, 1-6. 17. 21. 23. 26. 29. ш, 4. 9. 14. 15.

VIIII. Systema Hipponacteum:

Constat dimetro trochaico catal. et iambico trimetro catal. II, 18. Cet. cf. prol. ad ш, 18, 34.

Notandum quod unum hoc systema ap. Hor. continua decurrit synaphia. III, 12.

XI. Systema Alcmanium:

Constat v. heroico et Alcmanio. c. 1, 7. 28; ep. 12. XII. Systema Archilochium primum:

Const. v. her. et trimetro dactylico catal. III, 7.

XIII. Syst. Archil. secundum:

Const. v. heroico et iambelegico. ep. 13.

XIIII. Syst. Archil. tertium:

Const. trimetro iambico et v. elegiambico ep. 11.

XV. Syst. Archil. quartum:

Const. v. Archilochio maiore et trimetro iambico cata

Hoc a pythio id est heroico et iambico v. nomen traxit. Constat hex. dact. et dim. iambico. ep. 14. 15. Cet. cf. proleg. ad c. I, 18, 34.

XVII. Syst. pyth. alterum:

Const. v. heroico et trimetro puro. ep. xvi.

XVIII. Systema iambicum:

Q. HORATII FLACCI

CARMIN V M

LIBER PRIMVS.

I.

Maecenas atavis edite regibus,
O et praesidium et dulce decus meum,
Sunt quos curriculo pulverem Olympicum
Collegisse iuvat, metaque fervidis

Evitata rotis palmaque nobilis

Terrarum dominos evehit ad deos;
Hunc, si mobilium turba Quiritium
Certat tergeminis tollere honoribus;

Illum, si proprio condidit horreo,
Quidquid de Libycis verritur areis.
Gaudentem patrios findere sarculo
Agros Attalicis condicionibus

Numquam dimoveas, ut trabe Cypria
Myrtoum pavidus nauta secet mare.
Luctantem Icariis fluctibus Africum
Mercator metuens otium et oppidi

Laudat rura sui; mox reficit rates
Quassas, indocilis pauperiem pati.
Est qui nec veteris pocula Massici
Nec partem solido demere de die

Spernit, nune viridi membra sub arbuto
Stratus nunc ad aquae lene caput sacrae.
Multos castra iuvant et lituo tubae
Permixtus sonitus bellaque matribus

HORATIVS,

1

5

10

15

20

Detestata. Manet sub Iove frigido
Venator tenerae coniugis inmemor,
Seu visast catulis cerva fidelibus,
Seu rupit teretes Marsus aper plagas.
Me doctarum hederae praemia frontium
Dis miscent superis, me gelidum nemus
Nympharumque leves cum Satyris chori
Secernunt populo, si neque tibias

Euterpe cohibet nec Polyhymnia
Lesboum refugit tendere barbiton.
Quodsi me lyricis vatibus inseris,
Sublimi feriam sidera vertice.

II.

Iam satis terris nivis atque dirae
Grandinis misit Pater et rubente
Dextera sacras iaculatus arces
Terruit Vrbem,

Terruit gentes, grave ne rediret
Saeculum Pyrrhae nova monstra questae,
Omne cum Proteus pecus egit altos
Visere montes.

[Piscium et summa genus haesit ulmo,
Nota quae sedes fuerat columbis,
Et superiecto pavidae natarunt
Aequore dammae.]

Vidimus flavum Tiberim retortis
Litore Etrusco violenter undis
Ire deiectum monumenta regis
Templaque Vestae,

Iliae dum se nimium querenti
Iactat ultorem, vagus et sinistra
Labitur ripa Iove non probante u-
xorius amnis.