In Magni simul ambulatione: Femellas omnes, amice, prendi, Quas voltu vidi tamen sereno;
Has vel te sic ipse flagitabam : Camerium mihi, pessimæ puellæ.
Quædam inquit, nudum sinum reducens : En hîc in roseis latet papillis. Sed te jam ferre Herculei labos est. Tanto te in fastu negas, amice. Dic nobis, ubi sis futurus: ede, Audacter committe, crede luci. Num te lacteolæ tenent puellæ ? Si linguam clauso tenes in ore, Fructus projicies amoris omnes: Verbosâ gaudet Venus loquelâ. Vel, si vis, licet obseres palatum, Dum vostri sim particeps amoris: Non, custos si fingar ille Cretum, Non si Pegaseo ferar volatu, Non Ladas si ego, pennipesve Perseus, Non Rhesi niveæ citæque bigæ ; Adde huc plumipedes volatilesque, Ventorumque simul require cursum, Quos junctos, Cameri, mihi dicares; Defessus tamen omnibus medullis, Et multis languoribus peresus Essem, te, mi amice, quæritando.
O rem ridiculam, Cato, et jocosam, Dignamque auribus, et tuo cachinno! Ride, quidquid amas, Cato, Catullum: Res est ridicula et nimis jocosa. Deprendi modo pupulum puellæ
Trusantem. Hunc ego, si placet Dionæ, Pro telo rigidâ meâ cecidi.
Pulchre convenit improbis cinædis Mamurræ pathicoque, Cæsarique. Nec mirum: maculæ pares utrisque, Urbana altera, et illa Formiana, Impressæ resident, pec eluentur. Morbosi pariter, gemelli utrique : Uno in lectulo, erudituli ambo: Non hic, quam ille, magis vorax adulter: Rivales socii puellularum. Pulchre convenit improbis cinædis.
Cæli, Lesbia nostra, Lesbia illa, Illa Lesbia, quam Catullus unam Plus quam se, atque suos amavit omnes, Nunc in quadriviis et angiportis Glubit magnanimos Remi nepotes.
De Rufa et Rufulo.
Bononiensis Rufa Rufulum fellat, Uxor Menenî, sæpe quam in sepulcretis Vidistis ipso rapere de rogo cœnam,
Cum devolutum ex igne prosequens panem Ab semiraso tunderetur ustore.
Num te leæna montibus Libyssinis, Aut Scylla latrans infimâ inguinum parte, Tam mente durâ procreavit ac tetrâ, Ut supplicis vocem in novissimo casu Contemtam haberes? O nimis fero corde!
In Nuptias Juliæ et Manli.
Collis o Heliconei
Cultor, Uraniæ genus,
Qui rapis teneram ad virum Virginem, o Hymenæe Hymen!
Hymen o Hymenæe!
Cinge tempora floribus
Suaveolentis amaraci:
Flammeum cape: lætus huc
Huc veni, niveo gerens Luteum pede soccum :
Excitusque hilari die,
Nuptialia concinens
Voce carmina tinnulâ,
Pelle humum pedibus; manu Pineam quate tædam.
Namque Julia Manlio, Qualis Idalium colens
Venit ad Phrygium Venus Judicem, bona cum bonâ Nubit alite virgo;
Floridis velut enitens
Myrtus Asia ramulis, Quos Hamadryades Dex Ludicrum sibi roscido Nutriunt humore.
Quare age, huc aditum ferens Perge linquere Thespia Rupis Aonios specus, Lympha quos super irrigat Frigerans Aganippe:
Ac domum dominam voea, Conjugis cupidam novi, Mentem amore revinciens, Ut tenax hedera huc et huc Arborem implicat errans.
Vos item simul, integræ Virgines, quibus advenit Par dies, agite, in modum Dicite, O Hymenæe Hymen! Hymen o Hymenæe!
Ut lubentius, audiens
Se citarier ad suum
Munus, huc aditum ferat
Dux bonæ Veneris, boni Conjugator amoris.
Quis Deus magis, ah! magis Est petendus amantibus?
Quem colent homines magis
Cœlitum? O Hymenæe Hymen!
Hymen o Hymenæe!
Te suis tremulus parens Invocat tibi virgines Zonulâ solüunt sinus: Te timens cupidâ novus Captat aure maritus. Tu fero juveni in manus Floridam ipse puellulam
Matris e gremio suæ Dedis, O Hymenæe Hymen! Hymen o Hymenæe!
Nil potest sine te Venus, Fama quod bona comprobet, Commodi capere: at potest, Te volente. Quis huic Deo Compararier ausit?
Nulla quit sine te domus Liberos dare, nec parens Stirpe jungier at potest, Te volente. Quis huic Deo Compararier ausit?
Quæ tuis careat sacris, Non queat dare præsides Terra finibus: at queat, Te volente. Quis huic Deo Compararier ausit ?
Claustra pandite januæ: Virgo adest. Vide'n', ut faces Splendidas quatiunt comas? Sed moraris; abit dies:
Prodeas, nova nupta. Tardat ingenuus pudor, Quæ tamen magis audiens Flet, quod ire necesse sit. Sed moraris; abit dies:
Prodeas, nova nupta. Flere desine, Non tibi, Aurunculeia, periculum est, Nequa femina pulchrior Clarum ab Oceano diem
Viderit venientem.
Talis in vario solet Divitis domini hortulo Stare flos hyacinthinus. Sed moraris; abit dies: Prodeas, nova nuptą.
« ForrigeFortsæt » |