Sanguineae superant undas. Pars cetera pontum Pone legit sinuatque immensa volumine terga.

Fit sonitus spumante salo. Iamque arva tenebant 10 Ardentesque oculos suffecti sanguine et igni Sibila lambebant linguis vibrantibus ora.

Diffugimus visu exsangues. Illi agmine certo Laocoonta petunt. Et primum parva duorum

Corpora natorum serpens amplexus uterque 15 Implicat et miseros morsu depascitur artus.

Post ipsum auxilio subeuntem ac tela ferentem Corripiunt spirisque ligant ingentibus; et iam Bis medium amplexi, bis collo squamea circum

Terga dati superant capite et cervicibus altis. 20 Ille simul manibus tendit divellere nodos

Perfusus sanie vittas atroque veneno.
Clamores simul horrendos ad sidera tollit,
Quales mugitus, fugit cum saucius aram

Taurus et incertam excussit cervice securim. 25 At gemini lapsu delubra ad summa dracones

Diffugiunt saevaeque petunt Tritonidis arcem
Sub pedibusque deae clipeique sub orbe teguntur.

:

88. Der angenehme Schwerenöter.

(Ovidius, ars amandi I und II; Auswahl.)

10

1. Im Zirkus. Non te nobilium fugiat certamen equorum:

Multa capax populi commoda Circus habet. Nil opus est digitis, per quos arcana loquaris,

Nec tibi per nutus accipienda notá est. 5 Proximus a domina nullo prohibente sedeto:

lunge tuum lateri, quam potes usque, latus. Hic tibi quaeratur socii sermonis origo

Et moveant primos publicà verba sonos: Cuius equi veniant, facite studiose requiras;

Nec mora, quisquis erit, cui favet illa, fave. At cum pompa frequens caelestibus ibit eburnis,

Tu Veneri dominae plaude favente manu. Utque fit, in gremium pulvis si forte puellae

Deciderit, digitis excutiendus erit; 15 Et, si nullus erit pulvis, tamen excute nullum:

Quaelibet officio causa sit apta tuo. Pallia si terra nimium dimissa ia cebunt,

Collige et immunda sedulus effer humo. Respice praeterea, post vos quicunque sedebit,

Ne premat opposito mollia terga genu. Profuit et tenui ventum movisse tabella

Et cava sub tenerum scamna dedisse pedem.

20

2. Beim Triumphzug. Ergo erit illa dies, qua tu, pulcherrime rerum,

Quattuor in niveis aureus ibis equis : Ibunt ante duces onerati colla catenis,

Ne possint tuti, qua prius, esse fuga; 5 Spectabunt laeti iuvenes mixtaeque puellae,

Diffundetque animos omnibus ista dies.

10

Atque aliqua ex illis, cum regum nomina quaeret,

Quae loca, qui montes, quaeve ferantur aquae: Omnia responde. Nec tantum, si qua rogabit:

Et quae nescieris, ut bene nota refer.
Hic est Euphrates, praecinctus harundine frontem;

Cui coma dependet caerula, Tigris erit.
Hos facito Armenios; haec est Danaëia Persis;

Urbs in Achaemeniis vallibus ista fuit;
16 Ille vel ille duces; et erunt, quae nomina dicas:

Si poteris, vere: si minus, apta tamen.

3. In Gesellschaft. Certa tibi a nobis dabitur mensura bibendi:

Officium praestent mensque pedesque suum. Iurgia praecipue vino stimulata caveto

Et nimium faciles ad fera bella manus.
6 Si vox est, canta; si mollia bracchia, salta

Et, quacunque potes dote placere, place.
Qui sermone placet, taciturna silentia rumpat;

Qui canit arte, canat, qui bibit arte, bibat.
Sed neque declament medio sermone diserti,

Nec sua non sanus scripta poeta legat.

10

4. Gespräch mit der Tischdame, Spiele. Cede repugnanti: cedendo victor' abibis.

Fac modo, quas partes illa iubebit, agas: Arguet, arguito; quidquid probat illa, probato;

Quod dicet, dicas; quod negat illa, neges; 5 Riserit, arride; si flebit, flere memento:

Imponat leges vultibus illa tuis.
Seu ludet numerosque manu iactabit eburnos,

Tu male iactato, tu male iacta dato;
Seu iacies talos, victam ne poena sequatur:

Damnosi facito stent tibi saepe canes.

10

5. Gedichte machen? Quid tibi praecipiam teneros quoque mittere versus ?

Hei mihi, non multum carmen honoris habet!

Carmina laudantur, – sed munera magna petuntur:

Dummodo sit dives, barbarus ipse placet.
5 Aurea nunc vere sunt saecula: plurimus auro

Venit honos, auro conciliatur amor.
Ipse licet Musis venias comitatus, Homere:
Si nihil attuleris,

ibis, Homere, foras.

6. Schlußwort.
Arma dedi vobis: dederat Vulcanus Achilli.

Vincite muneribus, vicit ut ille, datis!
Sed quicunque meo superarit Amazona ferro,

Inscribat spoliis: Naso magister erat.

89. Erwachende Liebe.

(Catullus, 51.)
Ille mi par esse deo videtur,
Ille, si fas est, superare divos,
Qui sedens adversus identidem te

Spectat et audit
6 Dulce ridentem, misero quod omnes
Eripit sensus mihi: nam simul te,
Lesbia, adspexi, nihil est super mi,

Quod loquar amens.
Lingua sed torpet, tenuis sub artus
10 Flamma demanat, sonitu suopte
Tintinant aures, gemina teguntur

Lumina nocte.
Otium, Catulle, tibi molestum est:

Otio exsultas nimiumque gestis.
16 Otium et reges prius et beatas

Perdidit urbes.

90. Dem Voglein der Geliebten.

(Catullus, 2.)
Passer, deliciae meae puellae,
Quicum ludere, quem in sinu tenere,
Cui primum digitum dare adpetenti

Et acris solet incitare morsus, 3 Cum desiderio meo nitenti Carum nescio quid libet iocari, Et solaciolum sui doloris, Credo, ut tum gravis adquiescat ardor:

Tecum ludere sicut ipsa possem 10 Et tristes animi levare curas!

91. Der tote Liebling.

(Catullus, 3.)

Lugete, o Veneres Cupidinesque Et quantum est hominum venustiorum! Passer mortuus est meae puellae, Passer, deliciae meae puellae, 5 Quem plus illa oculis suis amabat. Nam mellitus erat suamque norat Ipsa tam bene quam puella matrem. Nec sese a gremio illius movebat,

Sed circumsiliens modo huc modo illuc 10 Ad solam dominam usque pipiabat.

Qui nunc it per iter tenebricosum
Illuc, unde negant redire quemquam.
At vobis male sit, malae tenebrae

Orci, quae omnia bella devoratis! 15 Tam bellum mihi passerem abstulistis.

O factum male! O miselle passer!
Tua nunc opera meae puellae
Flendo turgiduli rubent ocelli.

92. Liebesgluck.

(Catullus, 5.)

Vivamus, mea Lesbia, atque amemus
Rumoresque senum severiorum
Omnes unius aestimemus assis!

Soles occidere et redire possunt:
5 Nobis, cum semel occidit brevis lux,
Nox est perpetua una dormienda.