deorum, illos conscios putant. Est et alia observatio auspiciorum, qua gravium bellorum eventus explorant. Eius gentis, cum qua bellum est, captivum quoquo modo interceptum cum electo popularium suorum patriis quemque armis committunt. Victoria huius vel illius pro praeiudicio accipitur.-TAC. Germ. x.

DIVINI GAUDIA RURIS.

109. Rura cano rurisque deos, his vita magistris
edidicit querna pellere glande famem :
illi compositis primum docuere tigillis
exiguam viridi fronde operire domum:
illi etiam tauros primi docuisse feruntur
servitium, et plaustro supposuisse rotam.
tunc victus abiere feri: tunc consita pomus :
tunc bibit irriguas fertilis hortus aquas:
aurea tunc pressos pedibus dedit uva liquores,
mixtaque securo est sobria lympha mero.
rura ferunt messes, calidi quom sideris aestu
deponit flavas annua terra comas.

rure levis verno flores apis ingerit alveo
compleat ut dulci sedula melle favos.
agricola assiduo primum satiatus aratro
cantavit certo rustica verba pede;

et satur arenti primum est modulatus avena
carmen, ut ornatos diceret ante deos.
agricola et minio suffusus, Bacche, rubenti
primus inexperta duxit ab arte choros.
huic datus a pleno, memorabile munus, ovili,
dux hircus pecoris; duxerat hircus oves.
rure puer verno primum de flore coronam

fecit et antiquis imposuit Laribus.

rure etiam, teneris curam exhibitura puellis,
molle gerit tergo lucida vellus ovis ;

hinc et femineus labor est: hinc pensa colusque,

fusus et apposito pollice versat opus.

atque aliqua assiduae textis operata Minervae cantat, et applauso tela sonat latere.

TIBULL. ii. 1. 37.

INGENIOUS DEVICE FOR EXERCISING HORSES.

110. Cum in castello Phrygiae circumsederetur Eumenes et vereretur ne uno loco manens equos militares perderet, quod spatium non esset agitandi, callidum fuit eius inventum quemadmodum stans iumentum calefieri exercerique posset, libentius et cibo uteretur, a corporis motu non removeretur. Substringebat caput loro altius quam ut prioribus pedibus plane terram posset attingere, deinde post verberibus cogebat exsultare, et calces remittere, qui motus non minus sudorem excutiebat quam si in spatio decurreret. Quo factum est, quod omnibus mirabile est visum, ut iumenta aeque nitida ex castello educeret, cum complures menses in obsidione fuisset, ac si in campestribus ea locis habuisset.

CORN. NEP. Eumenes, v.

Α Πενία τὰς τέχνας ἐγείρει.

111. Nec fonte labra prolui caballino,

nec in bicipiti somniasse Parnaso

memini, ut repente sic poëta prodirem.

Heliconiadasque pallidamque Pirenen
illis relinquo quorum imagines lambunt
hederae sequaces, ipse semipaganus
ad sacra vatum carmen affero nostrum.
Quis expedivit psittaco suum χαῖρε,
picasque docuit nostra verba conari ?
magister artis ingenique largitor
venter, negatas artifex sequi voces.
quod si dolosi spes refulserit numi,
corvos poëtas et poëtrias picas
cantare credas Pegaseium nectar.

PERSIUS, Prolog.

What is the metre of the above? Why so called? By whom invented? How does Ovid' describe it?

112.

LITTUSHYLA, HYLA, OMNE SONABAT.

Ferunt olim Pagases navalibus Argo

egressam longe Phasidos isse viam ;

et iam praeteritis labentem Athamantidos undis
Mysorum scopulis adplicuisse ratem.
hic manus heroum placidis ut constitit oris,
mollia composita litora fronde tegit.
at comes invicti iuvenis processerat ultra

raram sepositi quaerere fontis aquam.
hic erat Arganthi Pege sub vertice montis
grata domus Nymphis humida Thyniasin,
quam supra nullae pendebant debita curae
roscida desertis poma sub arboribus,

1 See Ov. Rem. Am. 378.

et circum irriguo surgebant lilia prato

candida, purpureis mixta papaveribus, quae modo decerpens tenero pueriliter ungui proposito florem praetulit officio;

et modo formosis incumbens nescius undis
errorem blandis tardat imaginibus.
tandem haurire parat demissis flumina palmis
innixus dextro plena trahens humero:
cuius ut accensae Dryades candore puellae
miratae solitos destituere choros,
prolapsum leviter facili traxere liquore:
tum sonitum rapto corpore fecit Hylas :
cui procul Alcides iterat responsa: sed illi
nomen ab extremis fontibus aura refert.
1 PROPERT. i. 20.

PLEASURES AND ADVANTAGES OF

LITERATURE.

113. Ego vero fateor me his studiis esse deditum. Ceteros pudeat si qui ita se litteris abdiderunt ut nihil possint ex his neque ad communem afferre fructum neque in adspectum lucemque proferre. Me autem quid pudeat qui tot annos ita vivo ut ab nullius unquam me tempore aut commodo aut otium meum abstraxerit aut voluptas avocarit aut denique somnus retardarit ? Quare quis tandem me reprehendat aut quis mibi iure succenseat si, quantum ceteris ad suas res obeundas, quantum ad festos dierum ludos celebrandos, quantum ad alias voluptates et ad ipsam requiem animi et corporis conceditur temporum, quantum alii tribuunt tempestivis

1 Cf. Theocr. xiii.

conviviis, quantum denique aleae, quantum pilae, tantum mihi egomet ad haec studia recolenda sumpsero? Ego nisi multorum praeceptis multisque litteris mihi ab adolescentia persuasissem nihil esse in vita magnopere expetendum nisi laudem atque honestatem, in ea autem persequenda omnes cruciatus corporis, omnia pericula mortis atque exsilii parvi esse ducenda, nunquam me pro salute vestra in tot ac tantas dimicationes atque in hos profligatorum hominum quotidianos impetus obiecissem. Sed pleni omnes sunt libri, plenae sapientium voces, plena exemplorum vetustas, quae iacerent in tenebris omnia nisi litterarum lumen accederet. Quaeret quispiam, Quid? illi ipsi summi viri, quorum virtutes litteris proditae sunt, istane doctrina quam tu laudibus effers eruditi fuerunt? difficile est hoc de omnibus confirmare. Contendo ego cum ad naturam eximiam atque illustrem accesserit ratio quaedam conformatioque doctrinae, tum illud nescio quid praeclarum ac singulare solere exsistere. Haec studia adolescentiam agunt, senectutem oblectant, secundas res ornant, adversis perfugium ac solamen praebent: delectant domi, non impediunt foris, pernoctant nobiscum, peregrinantur, rusticantur.

CICERO, pro Archia, vi. 12.

DOMESTIC HAPPINESS OF Q. CICERO.

114. Venio ad transversum illum extremae epistulae tuae versiculum, in quo me admones de sorore. Quae res se sic habet: ut veni in Arpinas, cum ad me frater venisset, in primis nobis sermo, isque