NE SUTOR SUPRA CREPIDAM.

124. Das gladiatores, sutorum regule, cerdo, quodque tibi tribuit subula, sica rapit. ebrius es: neque enim faceres hoc sobrius un

quam,

ut velles corio ludere, cerdo, tuo.

lusisti corio; sed te, mihi crede, memento

nunc in pellicula, cerdo, tenere tua.

MARTIAL, iii. 16.

Μηδὲν ἄγαν.

125. Occurrit tibi nemo quod libenter,

quod, quacunque venis, fuga est, et ingens

circa te, Ligurine, solitudo,

quid sit, scire cupis? Nimis poëta es.

hoc valde vitium periculosum est.

⚫ non tigris catulis citata raptis,
non dipsas medio perusta sole,
nec sic scorpios improbus timetur.
nam tantos, rogo, quis ferat labores?
et stanti legis et legis sedenti.
in thermas fugio : sonas ad aurem ;
piscinam peto; non licet natare:
ad cenam propero: tenes euntem.
ad cenam venio: fugas sedentem.
lassus dormio; suscitas iacentem.
vis, quantum facias mali, videre?
vir iustus, probus, innocens, timeris.

Ib. iii. 44.

‘MATHEMATICI, GENUS HOMINUM QUOD IN CIVITATE NOSTRA ET VETABITUR SEMPER

ET RETINEBITUR.

126. Chaldaeis sed maior erit fiducia: quicquid
dixerit astrologus credent a fonte relatum
Hammonis, quoniam Delphis oracula cessant
et genus humanum damnat caligo futuri.
praecipuus tamen est horum qui saepius exul,
cuius amicitia conducendaque tabella
magnus civis obit et formidatus Othoni.
inde fides arti sonuit si dextera ferro
laevaque, si longo castrorum in carcere mansit.
nemo mathematicus genium indemnatus habebit,
sed qui paene perit, cui vix in Cyclada mitti
contigit et parva tandem caruisse Seripho.
consulit ictericae lento de funere matris,

ante tamen de te, Tanaquil tua : quando sororem
efferat et patruos; an sit victurus adulter
post ipsam. quid enim maius dare numina
possunt ?

haec tamen ignorat quid sidus triste minetur
Saturni, quo laeta Venus se proferat astro,
qui mensis damnis, quae dentur tempora lucro.
illius occursus etiam vitare memento

in cuius manibus, ceu pinguia sucina, tritas
cernis ephemeridas, quae nullum consulit, et iam
consulitur, quae, castra viro patriamve petente,
non ibit pariter, numeris revocata Thrasylli.
ad primum lapidem vectari cum placet, hora
sumitur ex libro: si prurit frictus ocelli

angulus, inspecta genesi collyria poscit:
aegra licet iaceat, capiendo nulla videtur
aptior hora cibo nisi quam dederit Petosiris.

Iuvenal, vi. 553.

θηρῶν ἁπάντων ἀγριωτέρα γυνή.

127. Credamus tragicis, quicquid de Colchide torva dicitur et Progne; nil contra conor; et illae grandia monstra suis audebant temporibus, sed non propter numos. Minor admiratio summis debetur monstris quoties facit ira nocentem hunc sexum et rabie iecur incendente feruntur praecipites, ut saxa iugis abrupta, quibus mons subtrahitur, clivoque latus pendente recedit. illam ego non tulerim, quae computat et scelus. ingens

sana facit: spectant subeuntem fata mariti
Alcestim et, similis si permutatio detur,

morte viri cupiant animam servare catellae.
occurrent multae tibi Belides atque Eriphylae
mane: Clytaemnestram nullus non vicus habe-
bit:

hoc tantum refert quod Tyndaris illa bipennem
insulsam et fatuam dextra laevaque tenebat:
at nunc res agitur tenui pulmone rubetae,
sed tamen et ferro, si praegustabit Atrides
Pontica ter victi cautus medicamina regis.
IUVENAL, vi. 643.

MAKE HASTE, TRANQUILLUS, AND PUBLISH. 128. Libera tandem hendecasyllaborum meorum fidem, qui scripta tua communibus amicis spoponderunt. Appellantur cotidie et flagitantur: ac iam periculum est, ne cogantur ad exhibendum formulam accipere. Sum et ipse in edendo haesitator: tu tamen meam quoque cunctationem tarditatemque vicisti. Proinde aut rumpe iam moras, aut cave ne eosdem illos libellos, quos tibi hendecasyllabi nostri blanditiis elicere non possunt, convicio scazontes extorqueant. Perfectum opus absolutumque est, nec iam splendescit lima, sed atteritur. Patere me videre titulum tuum; patere audire describi legi venire volumina Tranquilli mei. Aequum est nos in amore tam mutuo eamdem percipere ex te voluptatem, qua tu perfrueris ex nobis. Vale.-PLINY, Ep. v. 10. (11.)

ANTIGONE.

129. Ecce alios gemitus, aliamque ad busta ferebat Antigone miseranda facem, vix nancta petitos moenibus egressus: illam nam tempore in omni attendunt vigiles et rex iubet ipse timeri, contractaeque vices et crebrior excubat ignis. ergo deis fratrique moras excusat, et amens, et paulum immisso cessit statio horrida somno, erumpit muris; fremitu quo territat agros virginis ira leae, rabies cui libera tandem

et primus sine matre furor: nec longa morata est,

quippe trucem campum et positus quo pulvere
frater

noverat. Atque illum contra videt ire Menoetes,
cui vacat, et carae gemitus compescit alumnae.
quom tamen erectas extremus virginis aures
accessit sonus: utque atra sub veste comisque
squalentem et crasso foedatam sanguine vultus
astrorum radiis et utraque a lampade vidit:
Cuius, ait, manes, aut quem temeraria quaeris
nocte mea?
STATIUS, Theb. xii. 349.

THE COUNTRY ROUND PLINY'S VILLA.

130. Regionis forma pulcerrima: imaginare theatrum aliquod immensum, et quale sola rerum natura possit effingere. Caeduae silvae cum ipso monte descendunt. Prata inde campique, quos non nisi ingentes boves et fortissima aratra perfringunt; tantis enim glebis tenacissimum solum, cum primum prosecatur, adsurgit ut nono demum sulco perdometur. Medios Tiberis agros secat, navium patiens, omnesque fruges devehit in urbem, hieme duntaxat et vere; aestate summittitur, immensique fluminis nomen arenti alveo deserit, autumno resumit. Magna sui parte meridiem spectat, aestivumque solem ab hora sexta hibernum aliquanto maturius quasi invitat in porticum latam, et pro modo longam. Nulla ibi necessitas togae, nemo accersitor ex proximo, placida omnia et quiescentia; quod ipsum salubritati regionis ut purius caelum, ut aer liquidior accedit.

PLIN. Epist. v. 6.