65 Te semper natamque tuam te propter amabo:
Quicquid agit, sanguis est tamen illa tuus.
Sit modo casta, doce, quamvis non vitta ligatos
Impediat crines nec stola longa pedes.

Et mihi sint durae leges, laudare nec ullam
70 Possim ego, quin oculos appetat illa meos,
Et siquid peccasse puter, ducarque capillis
Inmerito pronas proripiarque vias.
Non ego te pulsare velim, sed, venerit iste
Si furor, optarim non habuisse manus:
75 Nec saevo sis casta metu, sed mente fideli:
Mutuus absenti te mihi servet amor.

At, quae fida fuit nulli, post victa senecta Ducit inops tremula stamina torta manu Firmaque conductis adnectit licia telis 80 Tractaque de niveo vellere ducta putat. Hanc animo gaudente vident iuvenumque catervae Commemorant merito tot mala ferre senem, Hanc Venus ex alto flentem sublimis Olympo Spectat et infidis quam sit acerba monet. 85 Haec aliis maledicta cadant: nos, Delia, amoris Exemplum cana simus uterque coma.

V. 66. agit, recte. Male BROUKHUSIUS, VOSSIUS, WUNDERLICHIUS, BACHIUS, GOLBERYus ex aliis agat, quod alienum. V. 71. Praefero cum ITALIS puter, ut alii viri. LACHMANNUS putet, quod Puccius offert. Libri putat, putor.

V. 86. simus. Quod praeterea habetur stemus, videtur emendatio esse.

ELEGIA VII.

Hunc cecinere diem Parcae fatalia nentes

Stamina, non ulli dissoluenda deo; Hunc fore, Aquitanas posset qui fundere gentes,

Quem tremeret forti milite victus Atax. 5 Evenere: novos pubes Romana triumphos Vidit et evinctos brachia capta duces: At te victrices lauros, Messala, gerentem Portabat niveis currus eburnus equis. Non sine me est tibi partus honos: Tarbella Pyrene Testis et Oceani litora Santonici,

10

Testis Arar Rhodanusque celer magnusque Garumna, Carnuti et flavi caerula lympha Liger. An te, Cydne, canam, tacitis qui leniter undis Caeruleus placidis per vada serpis aquis, 15 Quantus et aetherio contingens vertice nubes Frigidus intonsos Taurus alat Cilicas? Quid referam, ut volitet crebras intacta per urbes Alba Palaestino sancta columba Syro, Utque maris vastum prospectet turribus aequor 20 Prima ratem ventis credere docta Tyros,

V. 12. Carnuti SCALIGER, quod nunc etiam LACHMANNUS mihi significavit se probare, qui in sua editione Carnoti posuerat ex libris. Excerpta FRISING. Carnutis et. - V. 14. Lectio corrupta. Vulgo non melius Caeruleis placidus. Praestat ceteris Vossii emendatio placidae V.16. alat de conaquae. iectura ITALORUM. Lectio antiqua arat, quam etiam LACHMANNUS habet.

Qualis et, arentes cum findit Sirius agros, Fertilis aestiva Nilus abundet aqua? Nile pater, quanam possim te dicere causa Aut quibus in terris occuluisse caput? 25 Te propter nullos tellus tua postulat imbres, Arida nec Pluvio supplicat herba Iovi. Te canit atque suum pubes miratur Osirim Barbara, Memphiten plangere docta bovem. Primus aratra manu sollerti fecit Osiris 30 Et teneram ferro sollicitavit humum, Primus inexpertae commisit semina terrae Pomaque non notis legit ab arboribus. Hic docuit teneram palis adiungere vitem, Hic viridem dura caedere falce comam :

40

35 Illi iucundos primum matura sapores
Expressa incultis uva dedit pedibus.
Ille liquor docuit voces inflectere cantu,
Movit et ad certos nescia membra modos,
Bacchus et agricolae magno confecta labore
Pectora tristitiae dissoluenda dedit.
Bacchus et afflictis requiem mortalibus affert,
Crura licet dura compede pulsa sonent.
Non tibi sunt tristes curae nec luctus, Osiri,
Sed chorus et cantus et levis aptus amor,
45 Sed varii flores et frons redimita corymbis,
Fusa sed ad teneros lutea palla pedes

1

50

Et Tyriae vestes et dulcis tibia cantu
Et levis occultis conscia cista sacris.

Huc ades et centum ludis Geniumque choreis
Concelebra et multo tempora funde mero:
Illius et nitido stillent unguenta capillo,
Et capite et collo mollia serta gerat.
Sic venias hodierne: tibi dem turis honores,
Liba et Mopsopio dulcia melle feram.
55 At tibi succrescat proles, quae facta parentis
Augeat et circa stet veneranda senem.
Nec taceat monumenta viae, quem Tuscula tellus
Candidaque antiquo detinet Alba Lare.
Namque opibus congesta tuis hic glarea dura
60 Sternitur, hic apta iungitur arte silex.
Te canit agricola, e magna cum venerit urbe
Serus inoffensum rettuleritque pedem.
At tu, Natalis multos celebrande per annos,
Candidior semper candidiorque veni.

V. 47. dulcis defendit GEBHARDUS allato HORAT. I, 17, 10. et PROPERT. IV, 4, 5. V. 49. ludis EBORAC. rec. aliique pauci. Et sic bene emendatum est a STATIO pr. ludos, quae est librorum fere omnium lectio, ideoque reposita ab LACHMANNO. V. 51. Illius et. Cur probem Illius e aliorum codicum lectionem, ut alii fecerunt, expositum in Explicatione.

V.58. Candida quem vulgo de coniectura BROUKHUSII, sed aliena hic emphasis.

V. 61. canit recte. Vulgo canet ex VATICANO STATII, quo non opus.

Non

ELEGIA VIII.

on ego celari possum, quid nutus amantis Quidve ferant miti lenia verba sono.

Nec mihi sunt sortes nec conscia fibra deorum,
Praecinit eventus nec mihi cantus avis:

5 Ipsa Venus magico religatum brachia nodo
Perdocuit multis non sine verberibus.
Desine dissimulare: deus crudelius urit,
Quos videt invitos succubuisse sibi.
Quid tibi nunc molles prodest coluisse capillos
Saepeque mutatas disposuisse comas,

10

Quid succo splendente genas ornare, quid ungues Artificis docta subsecuisse manu?

Frustra iam vestes, frustra mutantur amictus, Ansaque compressos colligit arta pedes. 15 Illa placet, quamvis inculto venerit ore Nec nitidum tarda compserit arte caput. Num te carminibus, num te pallentibus herbis Devovit tacito tempore noctis anus? Cantus vicinis fruges traducit ab agris, Cantus et iratae detinet anguis iter,

20

V. 1. possum libri, quos sequitur etiam Vossius. possim primus SCALIGER dedisse videtur.

V.11. ornare. ITALI ornasse. Vulgo onerasse de coniectura mala SCALIGERI. V. 15. Illa libri. Vulgo Ipsa iam inde ab editione mai. 1472. V.17. pallentibus libri. Vulgo pol

lentibus incerto auctore, quod tamen magis placet.