Duramque callet pauperiem pati,
Pejusque leto flagitium timet ;
Non ille pro caris amicis

Aut patria timidus perire.

X.

50

O CRUDELIS adhuc et Veneris muneribus potens,
Insperata tuæ quum veniet pluma superbiæ,
Et, quæ nunc humeris involitant, deciderint comæ,
Nunc et, qui color est puniceæ flore prior rosæ,
Mutatus Ligurinum in faciem verterit hispidam; 5
Dices, Heu! quoties te speculo videris alterum,
Quæ mens est hodie, cur eadem non puero fuit ?
Vel cur his animis incolumes non redeunt genæ ?

Jam nec prata rigent, nec fluvii strepunt
Hibernā nive turgidi.

Nidum ponit, Ityn flebiliter gemens,

Infelix avis et Cecropiæ domūs

Æternum opprobrium, quòd malè barbaras
Regum est ulta libidines.

Dicunt in tenero gramine pinguium
Custodes ovium carmina fistula,

Delectantque deum, cui pecus et nigri
Colles Arcadiæ placent.

Adduxere sitim tempora, Virgili ;
Sed pressum Calibus ducere Liberum
Si gestis, juvenum nobilium cliens,
Nardo vina merebere.

Nardi parvus onyx eliciet cadum,
Qui nunc Sulpiciis accubat horreis
Spes donare novas largus, amaraque
Curarum eluere efficax.

Ad quæ si properas gaudia, cum tuā
Velox merce veni: non ego te meis
Immunem meditor tingere poculis,
Plena dives ut in domo.

Verum pone moras et studium lucri,
Nigrorumque memor, dum licet, ignium
Misce stultitiam consiliis brevem;

Dulce est desipere in loco.