THERE liv'd a lass in yonder dale,
And down in yonder glen, O,
And Katharine Jaffray was her name,
Weel known to many men, O.
Out came the lord of Lauderdale,
Out frae the south countrie, O,
All for to court this pretty maid,
Her bridegroom for to be, O.
He's tell'd her father and mother baith,
As I hear sindry say, O,
But he has na tell'd the lass hersel,
Till on her wedding day, O.
Then cam the Laird o' Lochinton,
Out frae the English border,
All for to court this pretty maid,
All mounted in good order.
THE COLLIER LADDIE.
O WHARE live ye my bonnie lass,
And tell me how they ca' ye?
My name she says, is Mistress Jean,
And I follow my Collier laddie.
O see ye not yon hills and dales,
The sun shines on sae brawlie: They a' are mine, and they shall be thine, Gin ye'll leave your Collier laddie.
And ye shall gang in rich attire,
Weel buskit up fu' gaudy;
And ane to wait at every hand,
Gin ye'll leave your Collier laddie.
had a' the sun shines on,
And the earth conceals sae lowly;
I would turn my back on you and it a',
And embrace my Collier laddie.
I can win my five pennies in a day,
And spend it at night fu' brawlie;
I can mak my bed in the Collier's neuk,
And lie down wi' my Collier laddie.
Luve for luve is the bargain for me,
Tho' the wee cot-house should haud me;
And the warld before me to win my bread,
And fare fa' my Collier laddie.
WHEN I THINK ON THOSE HAPPY DAYS.
WHEN I think on the happy days
I spent wi' you, my dearie;
And now what lands between us lie,
How can I be but eerie !
How slow ye move, ye heavy hours,
As ye were wae and weary!
It was na sae ye glinted by,
When I was wi' my dearie.
O SAW ye my dearie, my Eppie M Nab?
O saw ye my dearie, my Eppie M'Nab?
She's down in the yard, she's kissin' the laird:
She winna come hame to her ain Jock Rab.
O come thy ways to me, my Eppie M'Nab!
O come thy ways to me, my Eppie M'Nab!
Whate'er thou has done, be it late, be it soon,
Thou's welcome again to thy ain Jock Rab.
What says she, my dearie, my Eppie M'Nab?
What says she, my dearie, my Eppie M'Nab?
She lets thee to wit, that she has thee forgot,
And for ever disowns thee, her ain Jock Rab.
O had I ne'er seen thee, my Eppie M'Nab!
O had I ne'er seen thee, my Eppie M'Nab!
As light as the air, and fause as thou's fair,
Thou's broken the heart o' thy ain Jock Rab.
the groves,
The primrose banks how fair;
The balmy gales awake the flow'rs,
And wave thy flaxen hair.
The lav'rock shuns the palace gay,
And o'er the cottage sings;
For Nature smiles as sweet, I ween,
To shepherds as to Kings.
Let minstrels sweep the skilfu' string,
In lordly lighted ha';
The shepherd stops his simple reed
Blythe in the birken shaw.
The princely revel may survey
Our rustic dance wi' scorn;
But are their hearts as light as ours,
Beneath the milk white thorn?
The shepherd, in the flowery glen,
In shepherd's phrase will woo;
The courtier tells a finer tale,
But is his heart as true?
These wild wood flow'rs I've pu'd to deck
That spotless breast o' thine;
The courtier's gems may witness love,
But 'tis na love like mine.
AN' O! MY EPPIE.
AN' O! my Eppie,
My jewel, my Eppie!
Wha wadna be happy
Wi' Eppie Adair?
By love, and by beauty,
By law, and by duty,
I swear to be true to
My Eppie Adair!
On my visit the other day to my fair Chloris, she suggested an idea, which I, on my return from my visit, wrought into the following song. How do you like the simplicity and tenderness of this pastoral ?-R. B., Nov., 1794.
An' O! my Eppie,
My jewel, my Eppie!
Wha wadna be happy
Wi' Eppie Adair?
A' pleasure exile me,
Dishonour defile me,
If e'er I beguile thee,
My Eppie Adair!
GUDEE'N TO YOU, KIMMER.
GUDEE'N to you, Kimmer,
And how d'ye do?
Hiccup, quo' Kimmer,
The better that I'm fou.
We're a' noddin, nid, nid, noddin,
We're a' noddin at our house at hame.
Kate sits i' the neuk,
Suppin hen broo;1
Deil tak Kate
An' she be na noddin too!
We're a' noddin, &c.
How's a' wi' you, Kimmer,
And how do ye fare?
A pint o' the best o't,
And twa pints mair.
We're a' noddin, &c.
How's a' wi' you, Kimmer,
And how do ye thrive;
How mony bairns hae ye?
Quo' Kimmer, I hae five.
We're a' noddin, &c.
Are they a' Johnny's ?
Eh! atweel na :
Twa o' them were gotten
When Johnny was awa.
We're a' noddin, &c.
Cats like milk,
And dogs like broo; Lads like lasses weel, And lasses lads too. We're a' noddin, &e, 1 Broth.
O WAT YE WHA THAT LO'ES ME.
O WAT ye wha that lo'es me,
And has my heart a-keeping?
O sweet is she that lo'es me,
As dews o' summer weeping,
In tears the rose-buds steeping:
O that's the lassie o' my heart,
My lassie, ever dearer;
O that's the queen o' woman-kind,
And ne'er a ane to peer her.
If thou shalt meet a lassie,
In grace and beauty charming;
That e'en thy chosen lassie,
Erewhile thy breast sae warming,
Had ne'er sic powers alarming:
O that's the lassie, &c.
If thou hast heard her talking,
And thy attention's plighted,
That ilka body talking,
But her, by thee is slighted,
And thou art all delighted:
O that's the lassie, &c.
If thou hast met this fair one,-
When frae her thou hast parted,
If every other fair one,
But her, thou hast deserted,
And thou art broken-hearted;
O that's the lassie, &c.
O THAT I HAD NE'ER BEEN MARRIED.
O THAT I had ne'er been married,
I wad never had nae care;
Now I've gotten wife and bairns,
An' they cry crowdie1 ever mair,
Ance crowdie, twice crowdie,
Three times crowdie in a day;
Gin ye crowdie ony mair,
Ye'll crowdie a' my meal away.
1 Oatmeal, water, and butter.
|