After a storm comes a calm. A gi'en horse shouldna be looked i' the mouth. A greedy e'e ne'er gat a gude pennyworth. A A gude cause maks a strong arm. A kiss and a drink o' water mak but a poor breakfast. A man's weel or wae as he thinks himsel sae. An ilka-day braw maks a Sabbath-day daw. An ill shearer never got a guid heuk. An ill wife and a new-kindled candle should hae their heads hadden down. An unhappy fish gets an unhappy bait. A nod o' honest men is eneugh. A pund o' care winna pay an ounce o' debt. As dark as a Yule midnight. As guid fish in the sea as e'er came out o't. As guid may haud the stirrup as he that loups on. A' Stuarts are no sib to the king. Bairns speak in the field what they hear in the ha'. Bear and forbear is guid philosophy. Bear wealth weel, poortith will bear itsel. Be aye the same thing you would be ca'd. Be lang sick, that ye may be soon hale. Best to be off with the old love before we be on with the new. Better a finger aff than aye wagging. Better a tocher in her than on her. Better a toom house than an ill tenant. Better a wee bush than nae bield. Better a wee fire to warm you than a big fire to burn you. Better be blithe wi' little than sad wi’ naething. Better buy than borrow. Better lang something than soon naething. Better wear shoon than wear sheets. Bode for a silk gown and ye'll get a sleeve o't. Cadgers have aye mind of lade saddles. Carrying saut to Dysart. Cast not a clout till May be out. Castna out the dowed water till ye get the fresh. Cheatery kythes. Come unca'd, sits unserved. Come wi' the wind, and gang wi' the water. Confess debt, and crave days. Corn him weel, he'll work the better. Count again is not forbidden. Count siller after a' your kin. Courtesy is cumbersome to him that kens it na. Covetousness brings naething hame. Credit is better than ill-won gear. Credit keeps the crown o' the causey. Dawted bairns can bear little. Death and marriage break term-day. Ding down the nest, and the rooks will flee away. Dinna gut your fish till ye get them. Dogs bark as they are bred. Do weel, an' doubt nae man; do ill, an' doubt a' men. Do your turn weel, and nane will speer what time ye took. Drink little, that ye may drink lang. Drive a cow to the ha', she'll run to the byre. Early birds catch the worms. East or west, hame is best. Easy learned, soon forgotten. Easy learning the cat the road to the kirn. Easily working when will's at hame. Eat in measure, an' defy the doctor. Eat peas wi' a prince, an' cherries wi' a chapman. Eating an' cleaning only require a beginning. Ever busy, ever bare. Every ane loups the dike where it's laighest. Every cock craws crousest on his ain midden head. Every flow has its ebb. Every man bows to the bush he gets bield frae. Every man buckles his belt his ain gate. Every man can guide an ill wife weel but him that has her. Every man can tout best on his ain horn. Every man has his ain draff poke. Every man's tale's guid till anither's be tauld. Every Maybe hath a May not be. Every miller wad weise the water to his ain mill. Fair words break nae banes, foul words mony. Far-awa fowls hae fair feathers. Farther east, the shorter west. Fausehood makes ne'er a fair hinder-end. Flitting o' farms mak mailens dear. Fools are aye fond o' flittin'. Fools are aye seeing ferlies. Fool's haste is nae speed. Fools laugh at their ain sport. Fools set far trysts. Fools shouldna hae chappin'-sticks. For want o' a steek a shoe may be tint. Forbid a fool a thing, an' that he will do. Frae saving comes having. Friends are like fiddle-strings, they maunna be screwed owre tight. Friends gree best at a distance. Friendship canna stand aye on ae side. Fry stanes wi' butter, an' the broe will be guid. Gear is easier gotten than guided. Gentle partans hae lang taes. Gentle servants are poor men's tinsel. Get weel, keep weel. Gie your tongue mair holidays than your head. Giff gaff maks guid friends. Glasses an' lasses are brittle ware. God ne'er sent the mouth, but he sent the meat wi't. God shapes the back for the burden. Gratitude is a heavy burden. Great comfort is like ready gold in need, Guid advice is ne'er out o' season. Guid bairns are eith to lear. Guid folk are scarce, tak care o' ane, 20 Guid health is better than wealth. Guid will ne'er wants time to show itsel. Guessed wark's best if weel done. Hae, gars a deaf man hear. Hand-in-use is father o' lear. Hankering an' hinging-on is a poor trade. Happy the wife that's married to a motherless son. He can see an inch before his nose. He caresna wha's bairns greet if his laugh. He comes oftener wi' the rake than the shool. He doesna aye ride when he saddles. He doesna ken what end o' him's uppermost. He doesna like his wark that says Now when it's done. He gangs lang barefoot that wears dead men's shoon. He has a guid judgment that doesna lippen to his ain. He has come to guid by misguiding. He has gotten the whip hand of him. He has muckle prayer, but little devotion. He has wit at will that wi' an angry heart can sit still. He'll have enough some day, when his mouth's fu' o' mools. He'll mend when he grows better, like sour ale in summer. He'll no let grass grow at his heels. He'll soon be a beggar that canna say No. He'll tell it to nae mair than he meets. He lo'ed mutton weel that licked where the ewe lay. He lo'es me for little that hates me for nought. He looks like the far end of a French fiddle. He maun be soon up that cheats the tod. He maun hae leave to speak that canna haud his tongue. He may find fault that canna mend. He needs a lang spoon that sups wi' the deil. He ne'er did a guid darg that gaed grumbling about it. He rides sicker that never fa's. He's a fool that forgets himsel. He's a fool that marries at Yule; for when the bairn's to bear, the corn's to shear. He's a man of a wise mind, that of a foe can mak a friend. He's a silly chiel that can neither do nor say. He's no sae daft as he lets on. He's no the best wright that casts maist spails. He's unco fu' in his ain house that canna pick a bane in his neighbour's. He's weel worthy o' sorrow that buys it. He's worth nae weel that can bide nae wae. He that counts a' costs will ne'er put plough i' the grund. He that does you an ill turn will ne'er forgie you. He that has nae gear to tine may hae shins to pine. He that rides or he be ready, wants aye some o' his graith. He that's ill to himsel will be guid to naebody. He that seeks motes gets motes. He that shows his purse bribes the thief. He that speers all opinions comes ill speed. He that tholes overcomes. He that will cheat in play winna be honest in earnest. He that will to Cupar maun to Cupar. He that winna when he may, shanna when he wad. He wad gar you trow that the moon's made o' green cheese. He wad tine his lugs if they were not tacked to him. He was the bee that made the honey. I canna sell the cow an' sup the milk. If ae sheep loup the dike, a' the rest will follow. |