Hinc atque hinc glomerantur Oreades: illa pharetram Fert humero, gradiensque Deas supereminet omnes: Latona tacitum pertentant gaudia pectus. Talis erat Dido, talem se læta ferebat
Per medios, instans operi regnisque futuris. Tùm foribus Divæ, mediâ testudine templi, Septa armis, solioque altè subnixa resedit. Jura dabat legesque viris, operumque laborem Partibus æquabat justis, aut sorte trahebat :
Non metus officio ne te certâsse priorem Pœniteat. Sunt et siculis regionibus urbes, Arvaque, trojanoque à sanguine clarus Acestes. Quassatam ventis liceat subducere classem, Et silvis aptare trabes, et stringere remos; Si datur Italiam, sociis et rege recepto, Tendere, ut Italiam læti Latiumque pelamus : Sin absumpta salus, et te, pater optime Teucrum, Pontus habet Libyæ, nec spes jam restat Iuli; At freta Sicaniæ saltem, sedesque paratas, Unde huc advecti, regemque petamus Acesten. » Talibus Ilioneus: cuncti simui ore fremebant Dardanidæ.
Tùm breviter Dido, voltum demissa, profatur: « Solvite corde metum, Teucri, secludite curas. Res dura, et regni novitas me talia cogunt Moliri, et latè fines custode tueri.
Quis genus Eneadûm, quis Troja nescial urbem, Virtutesque, virosque, aut tanti incendia belli ? Non oblusa adeò gestamus pectora Pœni, Nec tam aversus equos tyriâ sol jungit ab urbe. Seu vos Hesperiam magnam saturniaque arva, Sive Erycis fines regenique optatis Acesten, Auxilio tutos dimittam, opibusque juvabo. Vultus et his mecum pariter considere regnis? Urbem quam statuo, vestra est: subducite naves : Tros Tyriusque mihi nullo discrimine agetur. Atque utinam rex ipse, Nolo compulsus eodem, Afforet Æneas! Equidem per littora certos Dimittam, et Lybiæ lustrare extrema jubebo, Si quibus ejectus silvis aut urbibus errat. >>
His animum arrecti dictis, et fortis Achates Et pater Encas jamdudum erumpere nubem Ardebant. Prior Æneam compellat Achates : « Nate Deâ, quæ nunc animo sententia surgit? Omnia tuta vides, classem sociosque receptos. Unus abest, medio in fluctu quem vidimus ipsi Submersum dictis respondent cætera matris. >> Vix ea fatus erat, quùm circumfusa repentè
Scindit se nubes, et in æthera purgat apertum. Restitit Æneas, clarâque in luce refulsit,
Os humerosque Deo similis : namque ipsa decoram Cæsariem nato genitrix, lumenque juvente Purpuream, et lætos oculis afflårat honores. Quale manus addunt ebori decus, aut ubi flavo. Argentum Pariusve lapis circumdatur auro. Tùm sic reginam alloquitur, cunctisque repentè Improvisus, ait : « Coràm, quem quæritis, adsum Troius Æneas, libycis ereptus ab undis.
O sola infandos Troja miserata labores! Quæ nos, relliquias Danaûm, terræque marisque Omnibus exhaustos jam casibus, omnium egenos, Urbe, domo socias. Grates persolvere dignas Non opis est nostræ, Dido, nec quidquid ubique est Gentis dardaniæ, magnum quæ sparsa per orbem. Di tibi (si qua pios respectant Numina, si quid Usquàm justitiæ est ) et mens sibi conscia recti, Præmia digna ferant. Quæ te tam læta tulerunt Sæcula? qui tanti talem genuêre parentes?
In freta dùm fluvii current, dùn montibus umbræ Lustrabunt convexa, polus dùm sidera pascet, Semper honos, nomenque tuum, laudesque manebunt, Quæ me cumque vocant terræ. » Sic fatus, amicum Ilionea petit dextrâ, lævâque Serestum ; Post alios, fortemque Gyan, fortemque Cloanthum. Obstupuit primò aspectu Sidonia Dido, Casu deindè viri tanto, et sic ore locuta est: «Quis te, nate Deâ, per tanta pericula casus Insequitur? quæ vis immanibus applicat oris? Tunc ille Æneas quem Dardanio Anchisæ
Alma Venus Phrygii genuit Simoentis ad undam? Atque equidem Teucrum memini Sidona venire, Finibus expulsum patriis, nova regna petentem Auxilio Beli. Genitor tùm Belus opimam Vastabat Cyprum, et victor ditione tenebat. Tempore jam ex illo casus mihi cognitus urbis Trojanæ, nomenque tuum, regesque Pelasgi. Ipse hostis Teucros insigni laude ferebat,
Seque ortum antiquâ Teucrorum à stirpe volebat. Quarè agite, ô, tectis, juvenes, succedite nostris. Me quoque per multos similis fortuna labores Jactatam hâc demùm voluit consistere terrâ : Non ignara mali, miseris succurrere disco. >>> Sic memorat: simul Enean in regia ducit Tecta; simul Divûm templis indicit honorem. Nee minùs intereà sociis ad littora mittit Viginti tauros, magnorum horrentia centum Terga suum, pingues centum cum matribus agnos, Munera lætitiamque Dei.
At domus interior regali splendida luxu Instruitur, mediisque parant convivia tectis. Arte laboratæ vestes, ostroque superbo; Ingens argentum mensis, cælataque in auro Fortia facta patrum, series longissima rerum, Per tot ducta viros antiquæ ab origine gentis. Eneas (neque enim patrius consistere mentem Passus amor) rapidum ad naves præmittit Achaten, Ascanio ferat hæc, ipsumque ad moenia ducat. Omnis in Ascanio cari stat cura parentis. Munera prætereà, iliacis erepta ruinis, Ferre jubet, pallam signis auroque rigentem, Et circumtextum croceo velamen acantho, Ornatus Argivæ Helenæ, quos illa Mycenis, Pergama quùm peteret inconcessosque hymen æ os, Extulerat, matris Ledæ mirabile donum; Prætereà sceptrum, Ilione quod gesserat olim, Maxima natarum Priami, colloque monile Baccatum, et duplicem gemmis auroque coronam. Hæc celerans, iter ad naves tendebat Achates. At Cytherea novas artes, nova pectore versat Consilia, ut faciem mutatus et ora Cupido Pro dulci Ascanio veniat, donisque furentem Incendat reginam, atque ossibus implicet ignem. Quippè domum timet ambiguam, Tyriosque bilingues; Urit atrox Juno, et sub noctem cura recursat, Ergò his aligerum dictis affatur Amorem :
<< Nate, meæ vires, mea magna potenția, solus,
« ForrigeFortsæt » |