τίς νιν, ὦ Μῶσαι, κατέπεφνε μοῖρα; τεῦ ποκ ̓ ἐν πλακταῖς χθονός; αἴ και φωνὰν μὴ σβέσῃ πένθαμα, γόεδνον ἔμμες εἴπατε μῦθον. *χι Φοίβω πυρπαλάμαις ὑπ' αὐγαῖς Ινδικῶν φλέγοισι πλακῶν ἄρουραι, οὐδέ νιν ψύχει Ζεφύρων αυτμήν, οὐ Διὸς ὄμβρος ἀφθόναν καρπῷ δόσιν ἀμφιχήει· θαύματ ̓ ἀφράστων ὅσσ ̓ ὄναρ πέφανε πάλαι ποκ ̓ ἀκτὰν τάνδ ̓ ἑλὼν ναυσίν τε δορός τ ̓ ἐν αἰχμᾷ, Αγγλικὸς τῇ νικομάχας νεόρταν ᾤκισεν ἕδραν, ἀγλαᾶς θέμεθλα πόλεως· τέχναις δὲ βάρβαρον λῆμ ̓ ἄσχετον ἡμέρωσε, καὶ σαγὰν ἀπειρομάχαις παρασχών, εἶτα μάταιος *ψε λόγχας ξυμμαχίαν δύσορνιν· δεῖμα βοτήρι. ἢ βροτοῖς ἄφροντις ἄγαν ἄδεια σχετλίαν ἔφυσεν ἄπειρον ἄταν· οὐρέων δ ̓ ὡς ἀζαλέων ἐν ἄγκει αἶψ' ἀναμαιμᾷ νήριτον σπινθὴρ ἀΐδηλος ὕλαν, ὣς στάσις δειλαῖς φρεσὶν ἐμπεσοίσα μυρίους λυμαινομένα φάλαγγας ῥίμφα δεδῄει. εὗρε δ ̓ ἐνταῦθ ̓ ἁ τριτάλαιν' ἀποικίς, εὖτε καπνοίσων καθ ̓ ὁδὼς ἀγυιαν φοινίας ῥεῦμα ἀκρυόεν θαλάσσας εἶδ ̓ ἐπίκλυζον· εἶδε βαλβίδων προδότας ἔπ ̓ ἄκρων αἱματοῤῥόφοις συμένους κλόνοισι, δεσπόταις ἄημα λυγροῦ πνέοντας σμερδνὸν ὀλέθρω. · κέαρ ψυχρὸν κρύος ἀμφιπίτνει· πῶς φράσω τἀνθένδε; τίς ὧν ἄκουεν τλάσεται; παίδων γα φίλων κατ ̓ ὄσσως ἄλγεσι δεινοῖς (ὦ πόποι) λυγισδόμενοι τοκῆες θυμὸν ἐξέπνουν· λίγα δ ̓ ἐβρέμοντο ναπίων μὲν ἀρτιβρεφεῖς ἰυγμοὶ ματρὸς ἐς ὦτα· παρθένως δ ̓ ἁγνὰς ἐμίαιν ̓ ἄλαστα βαρβάρων λυσσάματ ̓· ἔσωσε δ ̓ οὐδὲν εὔγματ', οὐ γουνὸς λαβαὶ αἱματηροῦ, οὐκ ἀτεόντων θάρσος ἡρώων· τί ποκ ̓ ἐν μέσοισιν κάππεσον αυτοί. ὀψὲ δὴ καὶ παμμίαρους φονῆας εἷλε ποιναῖς ἁ Νέμεσις τελείαις· φεῦ. τὸ μῆδ ̓ ἡμῶν ἄτερ αἱμάτων τι μωρὰ πεπράχθαι. καὶ γὰρ ἂν παντα γα πέδον δάκνωσιν ἀνδρὸς ἀνθ ̓ ἑνὸς δέκα τῶν μυσατῶν, ἄρα μείων εἶσι γόω στέναγμος πατρίδ ̓ ἀν αἶαν ; ἔμμε δὴ τὼς ἐν προμάχοις πεσόντας, ὄμμ ̓ ἀγακλειτῷ θαλέθοντας αἴνῳ πῶς δακρύσωμεν; τινὰ δ ̓ ἀμπὶ τύμβως ᾀστέον ὕμνον; χρᾶτε σεμναῖς Κασταλίδες λύραισι ποῖος ἡρώων τάφος; οὐ λίθῳ γὰρ μοῦνον, οὐδ ̓ ἐν μαρμαρέᾳ κρυφαῖοι λάρνακι κείνται. ἀλλ ̓ ὅποι γαίας λιγύφωνος ἀχεῖ κληδόνος σάλπιγξ κιθάρα τ ̓ ἀοιδῶ, μναμόνων τηνεὶ πραπίδων ἔσωθε ζῶσιν ἐς αἶές. τοῖς δὲ Δαίμων οὐράνιος πορίζει ὀλβίαν αἰῶνα πόνων ἄπειρον, λείμακας φοινικορόδους λαχοῦσιν, ὦ κελαρύσδει λαμπρὰ κρανᾶν ἀενάων ῥέεθρα, κωὐκέτ ̓ ἀλγεῖ νιν κρύος οὔτε καῦμα· τοῖα δὴ πρὸς Πατρὸς ἀεὶ κέκρανται δῶρα βροτοῖσιν, οἵτινες τέκνων πέρι καὶ δαμάρτων εὐκλεῶς μαχεσσάμενοι τελευτῶσ οἳ κλέους λείποισ ̓ ἀρετὰς τ ̓ ὄπισθεν ἄφθιτον αὐγάν. |