Quid si tyranni nunc iterum dolens Sentiret atras Roma libidines;

Si rursus incestos amores

Virginibus teneris pararet ?—

Jam nunc acutis auribus obstrepunt
Rauca apparatus murmura bellici,
Et clangor æratus tubarum et
Quadrupedum pede pulsa tellus,

Quâ parte certo nobilis impetu
Defert Etruscos Porsena milites;
Densaque conjurata mole

Cernere nunc videor micantes

Vibrantia hastas agmina: sed neque
Solemnis illic increpuit fragor,
Crebro nec in certamine hostes

Ancipitis coiere pugnæ,

Quâ Mars ab omni parte ferocior
Invadit, urget, disjicit agmina,
Interque luctantes catervas

Induitur galeam comantem :

Sed mira virtus-sed tria corpora
Tumultuosi turbinis impetus,

Et robore invicto caduci
Prælia sustinuere pontis.

Quis rite laudes expediet viri
Qui sæpe secto corpore firmior
Stetit, reluctantemque vindex

Intulit hinc animos in hostem?

Vinci dolentem scilicet acrior

Post vulnera urgens spes animum movet Famam petiturum decoris

Funeribus, neque morte inultâ.

Hic, ponte rupto quum tremerent vada, Præceps in undas fluminis, exiit

Tutus per iratos tumultus

Non sine Dîs patrioque Marte.

Quis rite vires illius efferet?
Quis rite Mucî non timidum mori
Pectus, per hostiles catervas

Quem facinus rapuit cruentum—

Etrusca quem per castra satellites Videre tectum quærere regium; Stratumque per terram ministrum et Intrepidi metuere tela

Hostis cruento rore madentia;
Mox ferreum cor propositi tenax
Minacis, injectamque sacris
Ignibus obstupuere dextram.

Nec sola virtus emicuit virûm:
Non indecori fœmina nominis
Et laudis indivisa poscit
Præmia, quæ vigiles tyranni

Fefellit audax excubias; pede

Per castra rapto quæ fugiens, neque
Infensa formidans virorum

Pectora (ne subitò volantem

Armis adurgens Porsena sisteret,)
Agmen per hostes virgineum tulit;
Amnisque nocturni furorem et
Præcipites superavit undas-

At siste cantus, barbite, Martios:
Quid tendis ultra talia prosequi
Certamina, et tristis duelli

Sollicitos memorare casus;

Quum pax, benigno a numine defluens,
Risit peractis suave laboribus,
Allapsa pacatum per orbem

Lenior Halcyones volatu?