HORATII FLACCI CARMINVM LIBER QVARTVS. ODE I. AD VENEREM. Intermissa, Venus, diu, Rursus bella moves. Parce, precor, precor! Non sum qualis eram bonae Sub regno Cinarae. Desine, dulcium Mater saeva Cupidinum, Circa lustra decem flectere mollibus Iam durum imperiis: abi, Quo blandae iuvenum te revocant preces. Tempestivius in domo Paulli, purpureis ales oloribus, Comissa bere Maximi, Si torrere iecur quaeris idoneum. Namque et nobilis, et decens, Et pro sollicitis non tacitus reis, Et centum puer artium, Late signa feret militiae tuae: Et quandoque potentior Largis muneribus riserit aemuli, Albanos prope te lacus Ponet marmoream sub trabe citrea. Illic plurima naribus Duces tura; lyraeque, et Berecyntiae Delectabere tibiae Mixtis carminibus, non sine fistula. Illic bis pueri die Numen cum teneris virginibus tuum Laudantes, pede candido In morem Saliûm ter quatient humum. Me nec femina, nec puer Iam, nec spes animi credula mutui, Nec certare iuvat mero, Nec vincire novis tempora floribus. Sed cur, heu! Ligurine, cur Manat rara meas lacryma per genas? Cur facunda parum decoro Inter verba cadit lingua silentio? Nocturnis te ego somniis Iam captum teneo, iam volucrem sequor Te per gramina Martii Campi, te per aquas, dure, volubiles. ODE II. AD IVLVM ANTONIVM. Pindarum quisquis studet aemulari, Iule, ceratis ope Daedalea Nomina ponto, Monte decurrens velut amnis, imbres Laurea donandus Apollinari, Seu per audaces nova dithyrambos Seu Deos, regesve canit, Deorum Sive, quos Elea domum reducit Palma caelestes, pugilemve, equumve Dicit, et centum potiore signis Flebili sponsae iuvenemve raptum Plorat; et vires, animumque, moresque Aureos educit in astra, nigroque Multa Dircaeum levat aura cycnum, Grata carpentis thyma per laborem Concines maiore poeta plectro Quo nihil maius, meliusve terris Fata donavere, bonique Divi; Nec dabunt, quamvis redeant in aurum Concines laetosque dies, et Vrbis Fortis Augusti reditu, forumque Tum meae (si quid loquar audiendum) Vocis accedet bona pars: et, o sol Pulcher, o laudande, canam, recepto Caesare felix. Teque, dum procedis, io Triumphe! |